10個女仔有11個都好討厭眼袋同黑眼圈嘅存在，特別係疫情期間，幾乎日日都戴住口罩，得返對眼可以見到人，人地見到你個千年眼袋同黑眼圈，分分鐘以為你10日冇訓覺......好多人因為得返對眼見到人，都會諗吓方法睇吓眼袋、黑眼圈點搞好，希望搵方法整sharp啲對眼~全日戴住口罩，已經唔洗同懶得化妝，如果一除口罩個吓，見到個眼袋仲大過對眼，都咪話唔嚇死人！
要改善眼袋、黑眼圈，敷眼膜、勤力搽多啲眼霜呢啲一定走唔甩，但係咪做咗就一定K.O.到眼袋同黑眼圈？咁又未必喎，先唔好講搽得夠唔夠勤力、同敷眼膜敷得夠唔夠密，有時啲眼霜同眼膜唔啱用嘅話，真係用幾多都唔會有效......所以我認為要K.O.眼袋同黑眼圈，最緊要就係用啱去眼袋方法！
首先要做嘅，就係知道自己個眼袋係咩類型，好似究竟係屬於老化型、水腫型、疲勞型、肌肉型之類，如果係水腫型同疲勞型，其實都唔算太過難搞，一般嚟講，只要得閒按摩多啲對眼，唔好望咁多手機、電話等等，比對眼休息多啲，促進返血液循環咁樣，個眼袋問題自然都會好好多~
但係如果屬於肌肉型就可以話係最難搞個種眼袋，因為呢類型眼袋多數都係天生，眼下面嚿肌肉天生太大，或者眼部骨骼凹陷，都會令一嚿叫做「眼輪匝肌」嘅肌肉太過凸出，搞到有眼袋問題，呢類型嘅眼袋我就建議搵返專業醫生處理，因為有可能要用到打botox先至可以解決得到......
最後一種眼袋，就係老化型眼袋，其實老化型眼袋都好常見，原因好簡單，每個人都會老，而且眼部皮膚係面部皮膚之中最薄、最脆弱，所以如果皮膚老化一出現，眼部基本上會係老得最快同最明顯......
處理老化型眼袋，我自己嘅建議就係，除咗勤力啲搽眼霜之外，有金錢預算嘅話，都可以去美容院做吓眼袋槍~我唔係話要賣廣告，或者Sell大家去買美容療程，而係我覺得眼袋槍療程嘅能量比眼霜同眼膜真係集中同高好多，更加可以入到真皮層，which係眼霜做唔到......只係用眼霜嘅話，就算啲精華幾靚都好，都唔會入到眼部嘅真皮層，比起做眼袋槍療程，真係慢見效好多好多......
知道大家未必對眼袋槍療程咁熟悉，所以今日我都想同你地分享吓去眼袋療程邊個好，講真個句，我咁耐以嚟都只係做過2間美容院嘅眼袋槍，雖然未必係最好效果或者最高性價比，但我都覺得個效果唔錯，而綜合各方面嚟講，今日我介紹嘅呢2間美容院都有唔錯嘅表現，一間中高價，另一間就經濟實惠，應該可以符合到唔同年齡嘅女性需要，有興趣嘅話就繼續睇落去啦！
眼袋槍療程推薦一：Perfect Medical R6 包去眼袋療程
第一間想同大家推介嘅眼袋槍，就係Perfect Medical R6 包去眼袋療程~相信有留意開美容院療程嘅，都對Perfect Medical唔會太陌生，事關經常都會係facebook同youtube見到佢地嘅廣告(笑)~個句：「合約保證，無效退款！」真係好洗腦！可能大家會覺得Perfect Medical係咁賣廣告好煩，但真心講句，其實Perfect Medical嘅眼袋槍療程真係唔差~
我講緊嘅就係Perfect Medical R6包去眼袋療程，呢款R6包去眼袋療程可以話係Perfect Medical嘅皇牌療程之一，Perfect Medical仲有好多減肥、瘦面、生髮嘅療程，有興趣嘅話可以上佢地官網睇多啲~
今日我講嘅Perfect Medical R6包去眼袋療程，其實係我無意之中發現，有日無聊睇緊facebook個陣見到Perfect Medical嘅廣告，咁啱就係陳敏之講R6包去眼袋療程，睇廣告仲有個真人做完R6包去眼袋療程之後嘅即時對比，我睇完之後真係「哇！」一聲，因為個人去眼袋嘅效果堅係好明顯！效果好到兩邊眼比較落，其中一邊眼好似老咗10年咁！個時見到佢個廣告寫話有得免費體驗，我諗都冇諗，就登記咗去試做！
本來上去Perfect Medical試做R6包去眼袋療程之前，都會有少少擔心，因為之前都聽過人講，話Perfect Medical好hard sell，又會困住你唔比你走，又會拎你張信用卡碌成幾十萬......不過我親身上過去Perfect Medical之後，就發現完全唔係想像中個回事.....
去到Perfect Medical舖頭登記完之後，等咗5分鐘左右就有得開始試做R6包去眼袋療程，個試做體驗係包埋一個皮膚分析，所以一開始Perfect Medical嘅顧問帶咗我去做個皮膚分析先，之後先至開始做R6包去眼袋療程~
皮膚分析個part唔會好似困你係間房當你水魚咁劏，Perfect Medical嘅顧問會用電腦分析返眼部皮膚嘅狀態，係電腦mon到完全將你嘅皮膚狀況一覽無遺......Perfect Medical嘅顧問話我嘅眼袋問題屬於老化型，因為皮膚嘅膠原蛋白開始流失，所以組織變得鬆弛，眼紋、眼袋會開始出現，整體眼袋都會係呈向下發展嘅趨勢......
聽Perfect Medical嘅顧問講解，真係會了解多咗自己嘅皮膚問題，等你之後返屋企搽護膚品個陣，都知道要用咩護膚品先至啱自己~之後Perfect Medical嘅顧問會再講吓R6包去眼袋療程係用咗咩原理，同埋佢嘅效果點樣可以改善到我嘅眼袋問題，大概講咗15分鐘左右，然後就可以去試做R6包去眼袋療程啦~
其實做R6包去眼袋療程嘅過程都幾舒服，Perfect Medical嘅治療師會拎住個探頭係對眼到碌吓碌吓，除咗會有少少按摩嘅感覺之外，加埋個機頭會有少少發熱，所以眼周嘅皮膚一路都會係暖暖地，都幾舒服~中間有一半時間我都應該係舒服到訓著咗(笑)，成個R6包去眼袋療程大約會做半個鐘，用部機頭碌完對眼之後，Perfect Medical嘅治療師會幫我敷多個水分面膜，之後就完成曬成個R6包去眼袋療程啦！
做完療程之後，Perfect Medical嘅顧問會帶我去返先前間房，佢同我做咗份問卷，了解返頭先做R6包去眼袋療程個陣有咩感受，例如舒適度、滿意度之類。當然唔少得檢視吓療程嘅成果！Perfect Medical嘅顧問比咗塊鏡我照，我一望鏡已經覺得對眼sharp咗好多，遮住下半塊面都覺得對眼firm好多，唔會好似之前咁冇精神，對比返未做R6包去眼袋療程之前嘅相，對眼都好似大咗咁！
本身我覺得Perfect Medical嘅顧問帶得我入房，點都會Sell吓我，甚至有幾秒我驚緊如果我唔買療程，佢會唔會唔比我走......不過好彩，Perfect Medical真係冇hard sell嘅問題，當然顧問佢都有同我講返而家R6包去眼袋療程做緊$1,888/10次嘅優惠，但佢都冇迫我一定要買，或者chur我加錢upgrade其他更貴嘅plan，Perfect Medical嘅顧問話，因為見我做R6包去眼袋療程嘅效果已經好好，所以覺得已經足夠~
講service同效果方面，我覺得Perfect Medical都真係幾好，重要係我呢次去試做R6包去眼袋療程係完全免費，$1都唔洗比！真心性價比勁高，加上$1,888有10次療程，絕對係經濟實惠，誠意推介比各位想K.O.眼袋嘅小資女試試！
免費體驗：Perfect Medical R6 包去眼袋療程
眼袋槍療程推薦二：CLINICZ MINUS-8眼肌逆光槍
另一間我想推薦比各位嘅眼袋槍療程，就係CLINICZ MINUS-8眼肌逆光槍，雖然CLINICZ MINUS-8眼肌逆光槍嘅價錢比較中高價，係就係冇Perfect Medical R6包去眼袋療程咁抵，不過我做完CLINICZ MINUS-8眼肌逆光槍之後，都覺得個亮眼、去眼紋嘅效果唔錯，所以就一次過係到推介埋比大家~
其實CLINICZ最出名嘅係「水原共生」，不過之前我上網爬文，都見到有人推介佢地嘅MINUS-8眼肌逆光槍，仲話做完之後個效果keep到3個月！雖然唔知啲網民講真定講假，但係好彩我有去做到，做完MINUS-8眼肌逆光槍之後，個效果真係幾好架！
雖然CLINICZ嘅MINUS-8眼肌逆光槍係有唔錯嘅去眼袋效果，不過大家都要有心理準備，CLINICZ嘅療程價錢都唔會平得去邊......好似MINUS-8眼肌逆光槍咁，就算上CLINICZ個官網登記有優惠價都好，都要$1,280先試做得一次......加多幾百蚊已經係等於10次Perfect Medical R6包去眼袋療程......不過我覺得CLINICZ MINUS-8眼肌逆光槍個效果都對得住個價錢嘅，所以有返少少金錢預算嘅朋友們都可以考慮一吓~
繼續講返CLINICZ個MINUS-8眼肌逆光槍體驗先，我去到舖頭個陣，同樣都會由佢地嘅療程總監先做咗一個肌膚輪廓評估先，呢一part主要係初步睇吓皮膚有咩問題，療程總監都會問吓我想改善啲咩肌膚問題，同時再比啲建議我，覺得我適合做咩類型嘅療程，或者啲療程可以點樣改善到我嘅皮膚問題~
之後就會用部3D輪廓掃瞄儀器，scan一次我塊面，呢一步一樣都會將所有皮膚問題「表露無遺」，除咗眼部嘅問題之外，仲會睇到成塊面有咩輪廓問題，一次過評估曬，係一個幾全面嘅皮膚狀態分析嚟架~
做曬以上2個step之後，CLINICZ嘅療程總監就帶咗我去療程房，交比治療師做MINUS-8眼肌逆光槍，MINUS-8眼肌逆光槍就唔似Perfect Medical R6包去眼袋療程咁碌吓碌吓，CLINICZ嘅治療師會每一下都定格一、兩秒，咁就會feel到個位嘅皮膚有少少熱，之後再移過隔離少少再打第2下，個感覺就好似打緊格仔咁樣~打完之後都一樣會敷返個補濕mask，敷完就搞掂啦！
清潔完之後，CLINICZ嘅顧問會帶返我去顧問房，都係跟進吓MINUS-8眼肌逆光槍嘅療程用後感、有咩感覺之類，再影返張before and after嘅對比圖~影完相之後發現，眼尾嘅位置係緊緻咗好多，會有「戚」返上去嘅感覺，即時嚟講，眼紋同黑眼圈都淡咗少少~不過我覺得CLINICZ MINUS-8眼肌逆光槍嘅最明顯效果，要做完療程之後過多一個星期左右，個時對眼會再firm啲、有神啲~
至於持久度方面，我做完CLINICZ MINUS-8眼肌逆光槍之後個一個月，對眼嘅緊緻度都仲keep到，不過就冇網民講到可以keep到3個月咁耐啦......但一個月做一次嚟講，我覺得價錢都還可以嘅，千幾蚊一次當去做一次facial都算合理，不過就適合一啲出咗嚟做野，有返一定經濟能力嘅朋友啦~
睇完我嘅分享，如果你都想試做吓Perfect Medical R6 包去眼袋療程或者CLINICZ MINUS-8眼肌逆光槍，都可以上佢地嘅官網了解多啲睇吓架~
留言列表
